नेपाल सुनचाँदी व्यवसायी महासंघले आज आइतबार सुनको मूल्य बढेको जानकारी दिएको छ । महासंघले आजको कारोबार भाउ तोक्दै तोलामा २०० रुपैयाँले मूल्य बढेको जानकारी दिएको हो । यससँगै, आज छापावाल सुनको मूल्य तोलामा १ लाख ५०० र तेजाबी सुनको मूल्य तोलामा १ लाख रुपैयाँ कायम छ । गत साताको शुक्रबार छापावाल सुनको मूल्य तोलामा १ लाख ३०० र तेजाबी सुनको मूल्य तोलामा ९९ हजार ८०० रुपैयाँ थियो ।त्यसअघि, विहीबार छापावाल सुनको मूल्य तोलामा १ लाख १५ सय र तेजाबी सुनको मूल्य तोलामा १ लाख १००० रुपैयाँ थियो । शुक्रबार एकै दिन १२ सय रुपैयाँले सुनको मूल्य घटेको थियो । सुनको मूल्य बढेको दिन आज चाँदीको मूल्य भने स्थिर बसेको छ । आज चाँदीको मूल्य तोलामा १३ सय ९० रुपैयाँ कायम छ । गत साताको शुक्रबार पनि चाँदीको कारोबार मूल्य यही थियो ।
क्याटेगोरी : Market, CommodityMarket, News
थप समाचार
प्रतिक्रिया दिनुहोस